MANCOMUNIDADE
TELÉFONOS DE INTERÉS

MAPA
TERRAS DE CELANOVA

WEBCAM EN DIRECTO
CÁMARA WEB CRTVG

Comunicación
Oficina virtual

PUNTO DE
Información Catastral

ESCOITA EN DIRECTO
RADIO CENTRO

Novas e actividades

Convenio para a prevención e defensa contra os incendios forestais 2026

Convenio entre a Consellería do Medio Rural, a Mancomunidade Intermunicipal Voluntaria do Ribeiro, a Mancomunidade de Municipios da Comarca de Verín, a Mancomunidade de Municipios da Comarca do Carballiño, a Mancomunidade Intermunicipal Voluntaria Terra de Celanova, a Mancomunidade Voluntaria de Municipios da Comarca de Ourense e a Mancomunidade Intermunicipal Voluntaria Santa Águeda para a consolidación do programa no que se establecen 22 brigadas de prevención e extinción de incendios por un período de seis meses, cofinanciado parcialmente co Fondo Europeo Agrícola de Desenvolvemento Rural (FEADER) no marco do Plan Estratéxico da Política Agraria Común (PEPAC) 2023-2027

A Mancomunidade Terra de Celanova participa durante o ano 2026 no programa de prevención e defensa contra os incendios forestais promovido pola Consellería do Medio Rural, mediante a sinatura dun convenio de colaboración coas mancomunidades do Ribeiro, Verín, O Carballiño, Ourense e Santa Águeda.

Este convenio consolida un programa integrado por 22 brigadas de prevención e extinción de incendios forestais que prestarán servizo durante un período de seis meses, reforzando a capacidade de prevención, vixilancia e apoio á extinción de incendios forestais no territorio da provincia de Ourense.

No marco deste programa, a Mancomunidade Terra de Celanova dispón de catro brigadas forestais que desenvolven labores de prevención, vixilancia e defensa contra os incendios forestais nos municipios integrantes da entidade.

A actuación conta cun financiamento máximo de 348.000 euros para a Mancomunidade Terra de Celanova.

As actuacións de prevención están cofinanciadas polo Fondo Europeo Agrícola de Desenvolvemento Rural (FEADER) no marco do Plan Estratéxico da Política Agraria Común (PEPAC) 2023-2027, cunha contribución do 80 % do FEADER, do 16 % da Administración Xeral do Estado e do 4 % da Xunta de Galicia.

Con esta iniciativa refórzase a colaboración entre administracións públicas para a protección do monte galego, contribuíndo á redución do risco de incendios forestais e á mellora da seguridade das persoas, dos núcleos de poboación e dos recursos naturais do territorio.