A Mancomunidade Terra de Celanova, beneficiaria dunha axuda cofinanciada polo FEDER para a mellora da recollida separada de biorresiduos

Twittear

A Mancomunidade Intermunicipal Voluntaria Terra de Celanova resultou beneficiaria dunha subvención da Consellería de Medio Ambiente e Cambio Climático, ao abeiro do procedemento MT975X – Liña 1, para o desenvolvemento do proxecto «Mellora da recollida separada de biorresiduos na Mancomunidade Terra de Celanova», cofinanciado pola Unión Europea a través do Fondo Europeo de Desenvolvemento Rexional (FEDER), no marco do Programa Galicia FEDER 2021-2027, e pola Xunta de Galicia.

A actuación forma parte do proceso de implantación progresiva e mellora da recollida separada de biorresiduos que desenvolve a Mancomunidade, orientado a consolidar o sistema existente e favorecer o seu desenvolvemento progresivo, centrándose nesta fase principalmente en determinados grandes xeradores.

O proxecto comprende a adquisición de bolsas compostables e o desenvolvemento dunha campaña de información, comunicación e sensibilización ambiental sobre a recollida separada de biorresiduos.

Con esta actuación preténdese mellorar a separación en orixe, reducir a presenza de impropios e incrementar progresivamente a cantidade de biorresiduos recollidos separadamente, avanzando cara a unha xestión máis eficiente e sustentable dos residuos municipais.