Información sobre Ramirás

Superficie: 40,7 km²
Poboación (INE 2015): 1607 habitantes.

Ramirás é un municipio de beleza natural espectacular con multitude de paraxes pintorescas, adecuados para o descanso, como a área recreativa da Pontenova con praia fluvial ou os lugares próximos ás pontes de Mosteiro e Pontemadeiros. A área recreativa de San Paio dos Pitos, é outro destas belas paraxes coa particularidade de ter na súa contorna unha preciosa e acolledora ermida onde se celebra todos os anos unha romaría. Os amantes da caza dispoñen dalgúns cotos con importante riqueza cinexética así como os afeccionados á pesca fluvial que ten no río Tuño boa riqueza piscícola. Abundan os regatos de certa entidade, como o Abelaira, favorecidos pola proximidade de altas montañas que albergan neve no inverno e cuantiosas precipitacións.

Parroquias: Casardeita (Santiago), Escudeiros (San Xoán), Freás de Eiras (Santa María), Grixó (Santa Isabel), Mosteiro (San Pedro), Paizás (San Salvador), Penosiños (San Salvador), Rubiás (Santiago), Santo André de Penosiños (Santo André), Vilameá de Ramirás (Santa María).

• Visitar a web do concello de Ramirás