A Mancomunidade Terra de Celanova impulsa a reciclaxe da materia orgánica a través da compostaxe doméstica

Twittear

Celanova, 29 de outubro de 2024.- A Mancomunidade Terra de Celanova asinou un acordo de adhesión coa Sociedade Galega do Medio Ambiente (Sogama) para incorporarse ao programa de compostaxe doméstica.

Grazas a esta colaboración, Sogama proporciona 200 composteiros a Mancomunidade, cada un cunha capacidade de 400 litros, que serán distribuídos entre os veciños con vivendas unifamiliares dos concellos que integran a Mancomunidade: Cartelle, Celanova, Gomesende, A Merca, Quintela de Leirado, Ramirás e Verea.

Esta medida busca fomentar a práctica da autocompostaxe entre os veciños e avanzar cara a unha xestión máis sostible dos residuos.

Ademais dos composteiros, entregarase un manual de uso, e técnicos de Sogama impartirán cursos presenciais en cada un dos oito concellos para instruír os veciños no proceso de autocompostaxe.

Con esta iniciativa, a Mancomunidade Terra de Celanova reforza o seu compromiso cunha xestión sostible dos residuos, poñendo especial énfase no tratamento da materia orgánica.