Novas e actividades
Celanova, 27 de marzo de 2017.- O vicepresidente da Xunta, Alfonso Rueda, presidiu este martes o acto de entrega dos Premios Coopera Galicia Entidades Locais 2016, que teñen como obxectivo recoñecer a traxectoria de colaboración e os proxectos innovadores dos concellos galegos que buscan mellorar os servizos á cidadanía.
Os Premios “Coopera Galicia” que convoca a Xunta de Galicia recoñecen os mellores proxectos piloto de xestión compartida de servizos por parte de agrupacións de concellos, mancomunidades, consorcios locais e áreas metropolitanas da Comunidade Autónoma de Galicia.
A Mancomunidade Terra de Celanova, premiada por terceira ocasión, foi galardoada nesta edición co segundo premio polo proxecto “Implantación do servizo de fisioterapia e podoloxía no programa de axuda no fogar”. Con esta iniciativa, mellórase a calidade deste servizo, destinado a persoas maiores con déficits de autonomía ou con discapacidade.
Os outros premiados nesta edición foron, co primeiro premio, a mancomunidade da comarca de Ordes, polo seu servizo Conecta CIM, e co terceiro galardón a mancomunidade turística Terras do Avia coa posta en marcha da súa aplicación turística.
Galería de fotos