Novo camión autobomba para o Servizo de Bombeiros da Mancomunidade

Twittear

Celanova, a 8 de marzo de 2023.- O presidente da Mancomunidade, Jaime Sousa Seara, participou onte no acto de entrega celebrado en Santiago de Compostela en presenza do vicepresidente segundo e conselleiro de Presidencia, Diego Calvo, así como o director xeral de Emerxencias e Interior, Santiago Villanueva.

Trátase dun camión tipo Bomba Rural Pesada (BPR) cunha capacidade de 3.000 litros e bomba centrífuga con presión combinada e lanzamento de auga en baixa e alta presión.

O vehículo, valorado en 250.000 euros,  forma parte do reforzo dotacional impulsado pola Xunta para apoiar a labor dos servizos de Emerxencias.

A incorporación desta dotación permitirá ampliar a frota actual do servizo de Bombeiros da Mancomunidade Terra de Celanova e acadar unha maior eficacia na atención das emerxencias e nos tempos de resposta.