Benvida

Benvido/a á páxina web da Mancomunidade Terra de Celanova,

Como Presidente desta mancomunidade teño o pracer e a honra de saudarvos desde a nosa páxina web, podendo así chegar a todos os fogares dos concellos que forman parte desta entidade local e aos visitantes da nosa web.

Este espazo virtual aproxímanos a todos e todas e poderá facilitarvos moitas das xestións que teñades que facer na Mancomunidade, resolver dúbidas, información, abonar taxas, etc. Ao mesmo tempo, é unha satisfacción, dar a coñecer a fondo esta preciosa terra.

Esta páxina web é unha xanela desde a que che convidamos a visitar e coñecer os municipios que compoñen a nosa Mancomunidade e poder así mostrarche a súa riqueza natural, cultural e social.

A actualización desta web servirá para aumentar a información da Mancomunidade Terra de Celanova así como a transparencia nesta xestión que teño a honra de presidir, en colaboración cos demais concelleiros da Corporación.

Para que todos aqueles veciños e veciñas que no seu día tiveron que emigrar ao estranxeiro poidan vencer a súa morriña mediante un seguimento diario das noticias que teñen lugar na súa terra nai, sigamos facendo país mediante o reforzo dos vínculos de unión xerados ao redor do nome "Terra de Celanova".

Jaime Sousa Seara
Presidente Mancomunidad Terra de Celanova.