Servizo de axentes de emprego e desenvolvemento local

• Asesoramento para a creación de Empresas.
• Información de axudas e subvencións para emprendedores, autónomos e Pymes.
• Detección de Proxectos Empresariais.
• Estruturas e Servizos de Apoio ó Emprendemento.

Obxetivos

• Deseño de actuacións que contribuan ó desenvolvemento do territorio, en base ó estudio da evolución e necesidades do mercado laboral.
• Difusión das Políticas Activas de Emprego da Xunta de Galicia.
• Información sobre os recursos existentes para favorecer o desenvolvemento local.
• Asesoramento a emprendedores sobre os trámites necesarios para a constitución e posta en marcha dun proxecto empresarial.
• Acompañamento no inicio de proxectos empresariais para a súa consolidación en empresas xeradoras de novos empregos.
• Servizo de atención a empresas coa finalidade de lograr unha maior dinamización do sector: información sobre axudas e subvencións para contratación, etc.
• Actualización continuada da base de datos de empresas e comercios do municipio.
• Fomento da utilización de novas tecnoloxías.
• Promoción do desenvolvemento de actividades formativas atendendo ás demandas de empresas e desempregados.

Beneficiarios

Este servizo vai dirixido a: desempregados, persoas en activo, emprendedores, empresas, asociacións e poboación en xeral.

Funcións

• Asesoramento a emprendedores
  Consistente en informar e asesorar a persoas con proxectos empresariais, promovendo a creación de empresas, indicándolles as posibles axudas e subvencións das que se poden beneficiar.
• Proxectos de formación e creación de emprego
  A creación de postos de traballo a nivel local é fundamental nunha poboación na que o paro, principalmente entre os colectivos máis desfavorecidos, mozos, mulleres e parados de longa duración, é importante. Por ese motivo, dende a Mancomunidade, deseñanse unha serie de plans de creación de emprego, e realízanse as xestións necesarias para obter financiamento público para os mesmos.

Entre estes proxectos destacan os seguintes:

• Programas de Cooperación
  Forman parte das políticas activas de emprego da Xunta de Galicia, en colaboración coas entidades locais. Con estes programas lévase a cabo a contratación de traballadores desempregados para a realización de obras ou servizos de interese xeral e social. As persoas contratadas adquiren unha experiencia profesional para mellorar a súa empregabilidade e poder acceder con posterioridade a un posto de traballo estable por conta propia ou allea.
• Obradoiros de Emprego
  Encadrados dentro das políticas activas de emprego, son programas mixtos que combinan accións de formación e emprego dirixidos a mellorar a ocupabilidade das persoas desempregadas , coa finalidade de facilitar a súa posterior integración no mercado de traballo.
• Cursos formativos
  Planificación de cursos de formación dirixidos a desempregados, traballadores en activo, tanto por conta propia como por conta allea, empresas e poboación en xeral.
• Seguimento de axudas e subvencións
  Seguimento diario de boletíns oficiais para a detección de axudas e subvencións de diversos proxectos de formación e creación de emprego susceptibles de financiamento deste tipo de medidas.

E-mail: aedl@terradecelanova.es