Proyecto de adecuación de las instalaciones del Punto Limpio de la Mancomunidad Terra de Celanova

Twittear

A Mancomunidade Terra de Celanova é beneficiaria dunha subvención da Dirección Xeral de Calidade Ambiental, Sostibilidade e Cambio Climático da Consellería de Medio Ambiente, Territorio e Vivenda  por importe de 50.023,65 euros para a execución do proxecto de adecuación de instalacións para xestión da recollida de residuos da Mancomunidade Terra de Celanova,  a través de melloras e acondicionamento no Punto Limpo situado no polígono de Celanova.

A intervención promóvese coa finalidade de ofrecer un mellor servizo á cidadanía dotando ao punto limpo cun maior espazo que permitirá mellorar a xestión e as condicións de almacenamento dos residuos.

Esta liña de axudas da Xunta de Galicia é cofinanciada polo fondo europeo relativo ao Mecanismo de recuperación e resiliencia da UE, no marco do Plan de recuperación, transformación e resiliencia, financiado pola Unión Europea-Next Generation EU.

O punto limpo é un servizo gratuíto para os usuarios dos concellos da Mancomunidade,  que ofrece a posibilidade de depositar aqueles residuos que, polas súas características específicas (volume, toxicidade, perigosidade, etc) deben recibir un tratamento especial e non poden ser depositados nos colectores de lixo habituais.

Ademais, desde o punto limpo tamén se ofrece á cidadanía a recollida a domicilio de voluminosos, servizo gratuíto que pode solicitarse vía telefónica no 988451646.