Centro de Información á muller (CIM)

O Centro de Información á Muller (C.I.M.) é un recurso de carácter permanente dende o que se articula una intervención global dirixida ás mulleres da comarca Terra de Celanova e que proporciona asesoramento xurídico, atención psicolóxica, orientación profesional e laboral así como calquera outra información encamiñada á consecución da igualdade efectiva entre mulleres e homes.

As actividades de prevención, información, asesoramento e loita en xeral contra a violencia de xénero, así como a atención ás mulleres vítimas desta, serán prioritarias para o CIM da Mancomunidade Terra de Celanova.

O CIM da Mancomunidade Terra de Celanova é un servizo encargado de informar sobre recursos dispoñibles na comunidade, sobre cursos, xornadas, conferencias, estudos en materia de igualdade de oportunidades, así como de sensibilizar á cidadanía na importancia da existencia dunha igualdade entre ámbolos dous sexos.

Entre as accións que se levan a cabo están o fomento do asociacionismo feminino, a promoción da participación das mulleres na vida social, cultural, formativa e laboral.

Xa que a información é un elemento necesario para que as persoas poidan exerce-los seus dereitos, nace a necesidade de creación dun servizo para as mulleres de atención, información, apoio psicolóxico e asesoramento xurídico co fin de facilita-la igualdade entre homes e mulleres. Este é o C.I.M. (Centro de Información á Muller), que durante o ano ofrece os seguintes servizos:

• Asesoramento xurídico gratuíto.
• Atención psicolóxica.
• Orientación profesional.
• Información de recursos dispoñibles no seu ámbito territorial (policía, xulgado, etc.).
• Canle de comunicación entre as usuarias e os distintos organismos competentes.
• Difusión dos servizos e actividades desenvolvidos polo Servizo Xeral de Promoción e Igualdade do Home e da Muller.
• Atención específica a mulleres víctimas da violencia de xénero, facilitando e pondo á súa disposición os recursos da Comunidade Autónoma (sanitarios, policiais, psicolóxicos, sociais...) a través da xestión urxente. Esta é a función máis importante quizais que desenvolve o departamento.
• Recepción de denuncias e queixas de discriminación por razón de sexo nos medios de comunicación e a publicidade, trasladándoas ó órgano competente.
• Fomento do asociacionismo (traballo con asociación xa existentes e fomento da creación de outras novas).
• Fomento da participación das mulleres na vida civil.
• Formación e información sobre temas de igualdade de oportunidades entre homes e mulleres.
• Actividades: celebración de días mundiais (da muller traballadora, da muller rural, contra a violencia de xénero), realización de módulos de igualdade para colexios, cursos, xornadas...
• Calquera outra actividade que teña por como finalidade acadar a igualdade.

O CIM conta tamén coa colaboración dos Servizos Sociais de Base da Mancomunidade "Terra de Celanova" para todos aqueles casos nos que se precise.

E-mail: cim@terradecelanova.es