Rutas de sendeirismo en Verea

Ruta a Penagache

DISTANCIA: 11 km.
DIFICULTADE: Moderada.

DESCRIPCIÓN: Partese de Outeiro de Augas cara as Catro Cruces, con grabados prehistóricos e cruces medievais de divisións de parroquias. De seguido, chegaremos ao gran túmulo funeraio de A Mota e continuase ata o foxo do lobo, unha trampa de orixe medieval para cazar ao lobo logo dunha gran montaría comunitaria.

Continuase ascendendo cara a Portela de Pau divisando a gran necrópole Neolítica de Penedos da Canteira, que representa de xeito maravilloso a magnitude megalítica do Leboreiro, serra intensamente monumentalizada que alberga unha das concentracións de túmulos máis potentes do continente. En breve chegase a Portela de Pau, onde se atopa a Mota Grande, o Menir, os dolmens, e gozaremos de esplendidas vistas neste apaixoante espazo sagrado. Durante o regreso vaise contemplando a paisaxe e observando a gran cantidade de cabalos e vacas en réxime de semiliberdade, que as veces se mistura coa salvaxe: garranos, cachenas, corzos, aves rapaces, lobos, xabaríns...