Terra de Celanova

A Mancomunidade Terra de Celanova está integrada por oito concellos; Celanova, A Merca, Verea, Quintela de Leirado, Gomesende, Pontedeva, Ramirás e Cartelle.

A Mancomunidade Terra de Celanova está situada na provincia de Ourense, linda cas comarcas ourensanas de: Ourense e o Ribeiro, ao norte; ca de Allariz-Maceda e A Limia, polo leste; ca Baixa Limia, ao sur; cas comarcas do Ribeiro e provincia de Pontevedra, ao oeste; e con Portugal, ao sur.

Celanova sitúase xeográficamente no centro da comarca da provincia de Ourense da que se constitúe como capitalidade e a que lle da o nome, Terra de Celanova. Está situada ao suroeste da provincia de Ourense, distando 24 kilómetros da súa capital.

Estrutura administrativa e aspectos demográficos

A Mancomunidade Terra de Celanova ocupa unha superficie de 417 Km2.

Como xa citamos, a Mancomunidade Terra de Celanova está integrada por oito concellos: Quintela de Leirado, Verea, Ramirás, A Merca, Pontedeva, Cartelle, Celanova e Gomesende, cuia distribución vemos no mapa.

Cidades, vilas, aldeas y parroquias

Na Mancomunidade non se conta con ningunha cidade. Dos oitos concellos que a integran soamente se pode denominar vila ao núcleo de Celanova. O resto dos puntos divídense entre aldeas e parroquias.

A continuación nomearemos dentro de cada concello os núcleos que teñen máis poboación contando coa distribución deste.

Distribución da poboación por sexo e grupos de idade

A Mancomunidade Terra de Celanova conta cunha poboación total de 15.116 habitantes, segundo o padrón do 01/01/2015, cuia distribución podemos ver na Táboa 1. Existe unha dispersión considerable entre os diferentes núcleos de poboación.

Comunicacións e transportes

Estradas

As Terras de Celanova distan 24 Km. da cidade de Ourense, coa que se comunica pola autovía AG-31 e pola estrada N-540 que no sentido inverso serve de enlace coa fronteira de Portugal, país co que a comarca limita a través dos municipios de Verea e Quintela de Leirado, polo que xeográficamente pode ser considerada capital dunha comarca fronteiriza.

Servizo de transporte urbán

Os concellos de Quintela de Leirado e A Merca teñen servizo público de transporte urbán os luns, mércores e venres recollendo aos usuarios por tódalas parroquias e voltando ao término.

Debido á peculiar configuración xeográfica da Mancomunidade Terra de Celanova, pola dispersión entre os núcleos, existe unha barreira espacial que sofren os cidadáns das diferentes parroquias.

Neste espazo web coñeceremos máis a fondo os concellos que integran a Mancomunidade Terra de Celanova así como os servizos que ofrece aos cidadáns este ente supramunicipal.